Қазақстандықтар әзірге өзін-өзі дамытуға емес, күн көруге ден қойды - сарапшылар Қазақстанды одан әрі жаңғырту үшін қандай реформалар қажет? Бұл сұраққа бүгін шетелдік және қазақстандық сарапшылар жауап беруге тырысты. Жарты жыл ішінде олар ел ішіндегі жағдайды бақылап, әртүрлі бағыттар бойынша зерттеулер жүргізді. Нәтижелер Әлемдік экономика және саясат институты ұйымдастырған онлайн-конференцияда таныстырылды. 

Рахим Ошакбаев, "Талап" қолданбалы зерттеулер орталығының директоры: 

– Біз талдау жүргіздік және әртүрлі аумақтық органдарда, жергілікті әкімдіктерде, министрліктерде шамамен 6700 мемлекеттік функцияны таптық. Және біз осы түрлі функцияларды сипаттайтын көптеген нормативтік-құқықтық актілерді көрдік. Көптеген қайталаулар, қайшылықтар, қате мазмұндамалар бар. Ұсынымдар ретінде функциялардың бірыңғай тізілімін құру ұсынылады. Ол тек оларды ретке келтіріп қана қоймай, қайталауды болдырмауға мүмкіндік береді. Бұл жағдайда мемлекеттік органдар жұмысының тиімділігі артады деп есептейді сарапшылар. Елді жаңғыртуда адам капиталы маңызды рөл атқарады. Алайда, қазақстандықтар жаңа тәжірибе мен білім алуға әзір емес. Мамандар халықтың өзін-өзі дамытуға емес, күн көруге ден қойған дейді.

Ануар Буранбаев, Зерттеу және консалтинг орталығының серіктесі: 

- Бұл экономикаға қалай әсер етеді? Кәсіпкерлік белсенділігі өте төмен. Біздің адамдар кәсіпкер болғысы келмейді. Адамның кәсіпкер болып, өз өміріне жауап беріп, оны өз қолына алу және еркін болу немесе жалдамалы жұмысқа тұру таңдауы болған кезде, көпшілігі жалдамалы жұмысты таңдайды. Өйткені бұл тұрақты табыс көзі, өзіне және өз өміріне аз жауапкершілік.